પિતાને આવ્યો હતો ગુસ્સો જ્યારે ઘરમાં જન્મી હતી ૪ દિકરીઓ, આજે તેમના જ દમ પર ચાલે છે બોલિવૂડ

 ભારત દેશમાં સ્ત્રીને દેવીનો દરજ્જો આપવામાં આવે છે. હિંદુ ધર્મમાં લોકો નારીને દેવીનું રૂપ માને છે. જો મહિલા ના હોય તો દુનિયાથી વ્યક્તિનું અસ્તિત્વ મટી જશે પરંતુ આજના આ કળયુગમાં મહિલાઓની સ્થિતિ ઘણી ખરાબ છે. આજે પણ લોકો દિકરીનો જન્મ થવા પર કોઇ અભિશાપથી ઓછું સમજતા નથી. આ વાત જાણતા હોવા છતાં કે એક મહિલા જ સંસારની મૂળ સૂત્રધારક હોય છે, તેમ છતાં પણ લોકો તેમને ઇજ્જત આપતા નથી પરંતુ તે કહેવું ખોટું નહીં હોય કે અમુક હદ સુધી મહિલાઓ વિશે લોકોની અવધારણા જરૂર બદલાઈ રહી છે પરંતુ હજુ પણ અમુક ગામડા એવા છે જ્યાં દિકરીઓનાં જન્મ પર માતમ મનાવવામાં આવે છે.

પરંતુ કદાચ એ લોકો જાણતા નહિ હોય કે આજના યુગમાં મહિલાઓ પુરૂષોથી કોઈપણ વિષયમાં પાછળ રહી નથી. તે પુરુષોને દરેક બાબતમાં ટક્કર આપતી નજર આવે છે. દિકરીનો જન્મ થવા પર લોકો કહે છે કે, બધાઈ હો તમારા ઘરમાં લક્ષ્મી આવી છે પરંતુ શું લોકો ખરેખર તે વાતને માને છે ? આ દુનિયામાં સ્ત્રીનું ઘણું મોટું યોગદાન છે કારણ કે તે એક નવા જીવનનો મૂળાધાર હોય છે. માતા લક્ષ્મી એ જ ઘરમાં વાસ કરે છે, જે ઘરમાં સ્ત્રીનું સન્માન થાય છે.

આજનાં જમાનામાં મહિલાઓ પુરુષોથી દરેક ક્ષેત્રમાં આગળ નીકળી ચૂકી છે પરંતુ એક સમયમાં ઘરમાં દિકરીનો જન્મ થવો અભિશાપ સમજવામાં આવતો હતો. એવા જ કંઈક વિચાર હતાં શક્તિ મોહન, નીતિ મોહન, મુક્તિ મોહન અને કીર્તિ મોહનનાં પિતાના. હવે તમે વિચારી રહ્યા હશો કે આ કોણ છે. તો ચાલો તમને જણાવી દઈએ કે નીતિ મોહન, મુક્તિ મોહન, શક્તિ મોહનનું આજે બોલિવૂડમાં એક જાણીતું નામ છે.

આજે મોહન સિસ્ટર્સ બોલિવૂડ પર રાજ કરી રહી છે પરંતુ એક સમય એવો પણ હતો જ્યારે તેમના પિતા બ્રિજ મોહન શર્મા ૪ દિકરીઓનો જન્મ થવા પર ખૂબ જ નારાજ થયા હતાં. તેમને ૪ દિકરીઓનાં પિતા હોવાનું મંજૂર ના હતું પરંતુ તેમની દિકરીઓના કારણે જ આજે લોકો તેમને ઓળખે છે. હવે તેમના પિતાને વિશ્વાસ થઈ ગયો છે કે દિકરીઓ કોઈથી પાછળ હોતી નથી. આખરે કોણ છે આ મોહન સિસ્ટર્સ અને બોલિવૂડમાં શું છે તેમનું  યોગદાન, ચાલો તમને વિસ્તારથી જણાવી દઈએ.

નીતિ મોહન

ચાર બહેનોમાં નીતિ મોહન સૌથી મોટી છે. નીતિ આજે બોલિવૂડની એક જાણીતી ગાયિકા છે. તે અત્યાર સુધીમાં ઘણી ફિલ્મોમાં પોતાનો અવાજ આપી ચૂકી છે. તેમને લોકપ્રિયતા ફિલ્મ “સ્ટુડન્ટ ઓફ ધ યર” ના ગીત “ઇશ્ક વાલા લવ” થી મળી હતી. ત્યારબાદ તેમણે હિટ ગીતોની લાઇન લગાવી દીધી. આજે દરેક લોકો તેમની સાથે કામ કરવા માંગે છે.

શક્તિ મોહન

શક્તિ મોહન આજે બોલિવૂડની એક ફેમસ કોરિયોગ્રાફર છે. તે “ડાન્સ ઇન્ડીયા ડાન્સ” રિયાલિટી શો ની વિનર પણ રહી ચૂકી છે. આજકાલ તે ઘણા રિયાલિટી શો માં જજ તરીકે નજર આવે છે.

મુક્તિ મોહન

ત્યારબાદ નંબર આવે છે મુક્તિ મોહનનો. મુક્તિ મોહન શક્તિની જેમ જ એક કોરિયોગ્રાફર છે. તે પણ ઘણી ફિલ્મોમાં કોરિયોગ્રાફી કરી ચૂકી છે. મુક્તિ ભારતની એક જાણીતી કોરિયોગ્રાફર છે.

કીર્તિ મોહન

કીર્તિ મોહન ૪ બહેનોમાં સૌથી નાની છે. કીર્તિ પોતાની બહેનની જેમ ફિલ્મ ઈન્ડસ્ટ્રીમાં નથી. ગ્લેમર ઇન્ડસ્ટ્રીથી દૂર હોવા છતાં પણ તે એક પ્રતિષ્ઠિત કંપનીમાં સોફ્ટવેર એન્જીનીયર તરીકે કામ કરે છે.